25.
నీట ముంచు పాలముంచు నీ చిత్తమికను. 4-224
ఓ స్వామీ ! నీట ముంచినా పాలముంచినా నీదేనయ్యా భారము. సర్వస్య శరణాగతి.
26.
పెంచగ పెంచగఁ బెరిగీ నాసలు
తుంచఁగఁ దుంచఁగ దొలఁగునవి
కంచము కూడును కట్టిన కోకయు
వంచన మేనికి వలసిన దింతే
గుడిశ లోన నొక కుక్కిమంచమున
వొడలు సగము ననువుండెడి దింతే. 4-242
మనం పెంచుకొనే కొలదీ ఆశలు పెఱిగిపోతుంటాయి. మనం వాటిని తుంచుకోవటం చేతనే వాటిని అదుపులో ఉంచుకోగలుగుతాం. తుంచగా తుంచగా అవి తొలగుతవి, కాని ఒకేమాఱు అన్ని ఆశలూ పోవు.
మన శరీర పోషణకి కావలసినవి - కుడవటానికి పట్టెడు మెతుకులూ, కట్టడానికింత గుడ్డానూ. ఉండటానికో గుడిశ, పరుండటానికో కుక్కిమంచమూ కూడా వుంటే ఇంక కావలసినదేముంది ?
Subscribe to:
Post Comments (Atom)
No comments:
Post a Comment