ఇదియే వేదాంత మిందుకంటే లేదు

33.
ఇదియే వేదాంత మిందుకంటె లేదు
యిదియే శ్రీవేంకటేశుని మతము

విరతియే లాభము విరతియే సౌఖ్యము
విరతియే పో విజ్ఞానము
విరతిచే ఘనులైరి వినకవారెల్ల
విరతిఁ బొందకున్నవీడదు భవము   IIఇదియేII

చిత్తమే పాపము చిత్తమే పుణ్యము
చిత్తమే మోక్షసిద్ధియును
చిత్తమువలెనే శ్రీహరి నిలుచును
చిత్తశాంతి లేక చేరదు పరము           IIఇదియేII

యెంతచదివినా యెంతవెదకినా
యింతకంటె మరి యిఁక లేదు
యింతకంటె శ్రీవెంకటేశుదాసులౌట
యెంతవారికైన యిదియే తెరువు.    IIఇదియేII       4-369

విరతి = విరామము ,విశ్రాంతి
తెరువు = దారి, మార్గము