చుట్టంబులా తనకు సుతులుఁ గాంతలుఁ జెలులు

౧౪.సామంతం
చుట్టంబులా తనకు సుతులుఁ గాంతలుఁ జెలులు
వట్టియాసలఁ బెట్టు వారే కాక
తగు బంధులా తనకుఁ దల్లులునుఁ దండ్రులును
వగల బెట్టుచుఁ దిరుగు వారే కాక
అంతహితులా తనకు నన్నలునుఁ దమ్ములును
వంతువాసికిఁ బెనఁగు వారే కాక 1-179

కొడుకులు,భార్యలు,చెలికాండ్రు తనకు చుట్టములా-కాదు,వట్టి అశలు పెట్టేవారు మాత్రమే.
తల్లులు,తండ్రులు కూడా తనకు తగిన బంధువులు కారు-ప్రేమను ఒలకబోస్తో తిరిగే వారే కాని.
అన్నతమ్ములు కూడా తనకంత సన్నిహితులు కారు-వాటాల కోసం దెబ్బలాడే వారే కాని.