శ్రీరాగం
మలమూత్రంబుల మాంసపు ముద్దకు
కులగోత్రంబుల గుఱిఁ గలిగె
తొలులు తొమ్మిదగు తోలుఁ దిత్తికిని
పిలువగఁ బేరునుఁ బెంపునుఁ గలిగె.
నెత్తురు నెమ్ముల నీరుబుగ్గకును
హత్తిన కర్మము లటుఁ గలిగె
కొత్త వెంట్రుకల గుబురుల గంతికి
పొత్తుల సంసార భోగముఁ గలిగె.
నానా ముఖముల నరముల పిడుచకు
పూనిన సిగ్గులు భువిఁ గలిగె
ఆనుక శ్రీవేంకటాద్రిపుఁ డేలగ
దీనికిఁ బ్రాణము తిరముగఁ గలిగె.౨-౨౫౧
Subscribe to:
Post Comments (Atom)
No comments:
Post a Comment